14 март куни ЖАР стадионида Ўзбекистон олимпия терма жамоасига қарши ўйнайдиган БАА футболчилари кеча Туркия орқали Тошкентга етиб келди, дея хабар бермоқда ЎФФ расмий твиттери.

БАА олимпия терма жамоаси пойтахтимиздаги Дедеман меҳмонхонасига жойлашган. Лондон олимпиадасининг саралаши доирасидаги ҳал қилувчи ўйинда Ўзбекистон билан ўйнайдиган БАА олимпия терма жамоаси Тошкентга ўз ошпази билан ташриф буюргани ҳам эътиборга молик.

БАА делегациясига БАА Футбол Уюшмаси президенти Юсуф ал-Серкал раҳбарлик қилмоқда.