Швейцариянинг Давос шаҳрида бўлиб ўтаётган иқтисодий форумда эксперимент ўтказилди: дунёнинг энг бой кишилари хароб маҳаллаларга жойлаштирилди. Бу ҳақда «Сегодня.ua»га асосланган daryo.uz  хабар бермоқда.

Банк директорлари, етакчи маркетинг компаниялари менежерлари, заргарлик компаниялари эгаларидан Ҳиндистоннинг хароб маҳаллаларида яшаш учун пул топишнинг энг кенг тарқалган усули — қоғоз халта тайёрлаш сўралди.

Икки соат давомида хароб кулбалар шароитида яшаб кўрган иштирокчилар ўз таассуротлари билан бўлишди.

«Бутун ақлингиз яшаш учун курашга қаратилган бир пайтда бундай қашшоқликдан чиқиб кетиш қанчалик мушкул эканлигини энди тушундим, — деди Жаҳон банки молиявий директори Пол Стайн. — Бундай ҳолатда киши атроф-муҳитга боғлиқ бўлиб қолар экан».

Дунёнинг энг бой ва нуфузли кишиларининг Ҳиндистондаги хароб маҳаллалар билан нима иши бор экан, дерсиз? Бироқ етакчи бизнесменлар глобал равишда фикрлайди ва қашшоқлик беқарорликни келтириб чиқариши, натижада ўзлари пул йўқотишини тушунади. Давосдаги форумда бунга алоҳида эътибор қаратилди.

<iframe width="500" height="500" src="//www.youtube.com/embed/oP9L4qeMkrw" frameborder="0" allowfullscreen></iframe>

Manba: DARAKCHI.UZ