O‘zbekistonda xizmat ko‘rsatgan artist, taniqli kino va teatr aktori Jamshid Zokirov 7-aprel kuni olamdan o‘tdi. Aktor 64 yoshda edi.

Aktor so‘nggi bir yil davomida saraton xastaligi bilan kurash olib bordi. Davolanish kursini o‘tash bir necha xorij mamlakatlarida ham bo‘lgan edi. Aktorning rafiqasi, so‘nggi bir yil ichida teatr va radiodagi ishini to‘xtatgan Gavhar Zokirova doimo turmush o‘rtog‘ining yonida bo‘ldi.

Teatr va kinoda o‘nlab rollarni ijro etgan Jamshid Zokirov "Kelinlar qo‘zg‘oloni”, "Temir xotin”, "Shaytanat”, "Suv yoqalab” va boshqa qator filmlarda muxlislar mehrini qozongan edi. U, shuningdek, 2011-yili rus kinoijodkorlari tomonidan suratga olingan "Visotskiy. Tirikliging uchun rahmat” filmida ham suratga tushgan edi.