“Real” hujumchisi Krishtianu Ronaldu Xalqaro futbol tarixi va statistikasi federatsiyasi (IFFHS) tomonidan 2013-yilning eng yaxshi to‘purari deb topilgandi. Ushbu natijasi uchun portugal futbolchisi o‘z mukofotini qabul qilib oldi, deb xabar qildi “Uff.uz”.

O‘tgan yili portugaliyalik futbolchi Yevropa turnirlarida 25 ta gol kiritdi. U gollarining 15 tasini Chempionlar Ligasida, yana 10 golini Portugaliya termasi tarkibida kiritdi.

Ushbu hisob-kitobda faqat xalqaro o‘yinlarda kiritilgan gollar inobatga olingan.

Manba: Daryo.uz