Estradamizning yana bir vakilasi Nilufar Usmonova ham ijod qilishda sira to'xtayotgani yo'q. Ham farzand tarbiyasi, uning parvarishi, ham ijodni bir vaqtda olib borayotgan Nilufar Usmonova yangi film uchun saundtrek qo'shiq kuyladi.
Shuhrat Nuraliev boshchiligida suratga olinayotgan "Turmush - musht!" nomli yangi film uchun Nilufar Usmonova saundtrek qo'shiq tayyorlamoqda. Mazkur qo'shiq musqasi O'zbekiston xalq artisti Yulduz Usmonova ijodidan, so'zlari esa Shuhrat Nuraliev qalamiga mansub. Ushbu saundtrekka klip ham tasvirga tushirilgan bo'lib, yaqin kunlarda TV kanallari orqali namoyish etiladi. Shu bilan bir qatorda Nilufar Usmonova yangi albomi ustida ham qizg'in ish olib bormoqda. Albom taqdimoti bahor oylariga mo'ljallanmoqda.