Yaponiyaning "Sony” kompaniyasi Las-Vegas shahrida bo‘lib o‘tgan "Consumer Electronics Show 2012” ("CES 2012”) ko‘rgazmasida sensorli displeyga ega "SmartWatch” qo‘l soatlarini namoyish qildi. Ushbu "aqlli” soat yordamida Android-smartfonlarni masofadan turib boshqarish mumkin. Masalan, uning yordamida smartfonni cho‘ntagingizdan chiqarmay turib ham SMS-xabarlarni yoki "Facebook”dagi yangi xabarlarni o‘qish mumkin.

Mazkur soat smartfonga "Bluetooth” orqali bog‘lanadi. Soatga 1,3 dyumlik OLED-ekran o‘rnatilgan bo‘lib, uning yordamida musiqa tinglash, vaqt va bosib o‘tilgan masofani bilish, tvitlarni o‘qish, elektron pochta va ob-havodan xabardor bo‘lish kabi ishlarni bajarish mumkin. Agarda telefoningizga qo‘ng‘iroq keladigan bo‘lsa, soat ekraniga bu haqdagi xabar paydo bo‘ladi va siz osonlikcha qo‘ng‘iroqni qabul qilish yoki bekor qilishingiz mumkin.

"CNet” internet-nashrining yozishicha, soatning batareyasi bir haftagacha yetadi.

Turli rangdagi "SmartWatch” qo‘l soatlari