YouTube’da yangi tug‘ilgan pakana begemot ishtirokidagi video yarim milliondan ortiq marta tomosha qilindi, deb yozadi “Rossiyskaya gazeta”. Jonivor Londondagi Vipsneyd hayvonot bog‘ida Yangi yil arafasida dunyoga kelgan.

Zoopark saytida qayd etilishicha, chaqaloqning onasi — Flora laqabli pakana begemot saraton kasalligiga chalingan. Biroq og‘ir xastalik homilaga ta’sir qilmagan.

Yangi pakana begemotning tug‘ilishi hayvonot bog‘i uchun ahamiyatli voqea bo‘ldi: ushbu tur yo‘qolib ketish xavfi ostida turibdi.