Бугунги кунда ўзига хос йўналишдаги қўшиқлари ва клиплари орқали минглаб мухлислар қалбидан мустаҳкам жой олган Жаҳонгир Позилжонов яна бир ҳазиломуз тарзда ёзилган таронани тақдим этмоқда. 

Жаҳонгир Позилжонов бу сафар оғир вазнли инсонларни мадҳ этишни мақсад қилди ва “Бақалоқ” номли қўшиқни ёзди. Бу борада ижодкор Бобур Умаров билан ҳамкорлик қилди. Шу тариқа, ҳазиломуз сатрларга бой тарона дунёга келди.

Жавлон Шодмонов режиссёрлигида Жонрид Сагдиев томонидан тасвирга олган клип тарона билан биргаликда эксклюзив равишда тантанали “POPCORN” тақдимот маросимида премьера қилинганди.

Концерт дастурига ўзгача файз ва қувноқ кайфият бахш этган Жаҳонгир Позилжоновнинг чиқишига олқишлар тинмаганди. 

Manba: Darakchi.uz