Швециялик антиқа голлар ижрочиси Златан Ибрагимович ўзининг навбатдаги антиқа голини Франция олий дивизионининг 25 турида “Кан” жамоаси дарвозасига киритди.

Бу воқеа ўйиннинг 2-дақиқасидаёқ рўй берди ва бу вазиятда жарима майдончасида турган Златан ўзининг ўнг оёғини рақиб бошидан баландроққа кўтарди ва қанотдан баландлатиб узатилган тўпга тегиниб қўйиб, дарвозабонни доғда қолдирди.

У бу голини ҳам ҳаддан ташқари мақтанчоқлик билан нишонлаган ва футболкасини ечиб бутун баданини қоплаган татиуровкаларни намойиш этган. Ҳакам эса, унга сариқ карточка намойиш этди.

Ўйиннинг 40-дақиқасида Лавесси иккинчи голни киритган. Лекин иккинчи таймда парижликлар сафида уч ўйинчи алмаштириб бўлинганидан кейин, 2 нафар футболчи жароҳат олиб сафни тарк этди ҳамда 9 киши бўлиб қолган жамоа ўйиннинг охирги дақиқаларида иккита тўп ўтказиб юбориб, дурангга рози бўлишди.